برسالة لزوجها... ميّ عمر تحتفل بانتهاء تصوير "إش إش"

نشرت الفنانة مي عمر عبر حسابها الخاص في "إنستغرام" فيديو من كواليس آخر يوم تصوير لمسلسلها الرمضاني "إش إش" ظهرت فيه وهي تحتفل مع فريق العمل بانتهاء التصوير.

وظهرت مي في الفيديو مع زوجها مخرج العمل محمد سامي، والفريق يهتف بكلمة "فركش"، وعلّقت على الفيديو برسالة طويلة وجّهتها الى فريق العمل، وخصّت أيضاً زوجها المخرج برسالة.

وكتبت مي على الفيديو: "حقيقي مش قادرة أوصف إحساسي وأنا بودّع الشخصية اللي عشت معاها رحلة فيها كل حاجة من ضحك وبكاء وقلق وفرح. حبّيت كل لحظة قضّيتها وأنا بجسدها، وحاسة إن جزء مني هيفضل معاها دايماً، وهيوحشني كل تفصيل فيها بجد".

وأضافت: "شكراً لكل فرد من فريق العمل اللي اشتغل بإخلاص عشان يطلع العمل ده بأحسن شكل... فريق العمل في "إش إش"، كان سر نجاح كواليس التجربة دي. كل حد في الفريق، من أول التقنيين لحد الإنتاج، كان بيشتغل من قلبه عشان يطلع العمل بأحسن شكل... بجد، ما حسيتش إني لوحدي لحظة، كلنا كنا إيد واحدة، ودايماً بنسند بعض... شكر كبير لكل واحد فيكم، على تعبكم وإخلاصكم وعلى كل لحظة قدمتوا فيها دعمكم وحبكم".

رسالة لزوجها 

ووجّهت مي عمر رسالة إلى زوجها مخرج العمل محمد سامي، قائلةً: "شكراً ليك على صبرك وعلى نظرتك اللي كانت دايماً بتشوف التفاصيل اللي ما حدش غيرك كان ممكن يلاحظها، وشكراً إنك بتعرف إزاي تخرج مننا أفضل ما عندنا، وعلى إبداعك وتوجيهك في كل مشهد... شكراً إنك كنت قائد حقيقي لينا وخلّيت "إش إش" يبقى تجربة ما تتنسيش".

واختتمت مي رسالتها بالقول: "منتظرة بفارغ الصبر تشوفوا "إش إش"، وأتمنى توصل ليكم مشاعرنا بنفس القوة اللي حسّيناها... شكراً لكل واحد كان جزء من الحلم ده! وبوعد الجمهور إن شاء الله هيتفرجوا على مسلسل متعوب على كل شوط فيه... مسلسل "إش إش" بإذن الله هيكون مسلسل بيحترم ذوق الجمهور".

مسلسل "إش إش" يضم مجموعة من النجوم البارزين، منهم: انتصار، ماجد المصري، إدوارد، عصام السقا، وإيهاب فهمي.